Araz qan ağladir

اوشاقلاریمیزی اونودموشوق!
اوشاقلاریمیزا کولتوره ل ماتریاللار حاضیرلامالییق

بو گون دونیادا اوشاق ادبیاتی و اوشاقلارا فرهنگی محصول تولید ائتمک گون به گون انکشاف ائتمکده دیر وحاکمیتلرینده بویوک آماجلاری یئنی یئتمه لرین و اوشاقلارین ذهنینی تسخیر ائتمک اولوبدور نییه کی هامیسی بیلیرلر کی اوشاقلارین و یئنی یئتمه لرین ذهنینی فتح ائتسه لر جامعه نین هر ایشین و گله جگین اللرینه آلاجاقلار و هر جور ایسته سه لر اوجور اونو دولاندیراجاقلار.
استعماری و فاشیستی حاکمیتلرده چوخلی پول و پارا بو یولدا خرج ائتمه لری هامییا آیدیندیر و ایندی ایراندا حاکمیتدن علاوه فاشیستی گروهلاردا تورک اوشاقلارینین کیملیکلریندن چیخارتماق و اونلارا بیر جعلی و قوندارما هویت وئرمک ایستیرلر و بو یولدادا چوخ فعالدیرلار ولی بیز هله اوزوموزو یوخویا وورموشوق. اونلار گئجه گوندوز بیر یالانچی فرهنگی بیزیم اوشاقلاریمیزا غالیب ائتمک ایستیرلر و بیزده الیمیزی ال اوسته قویوب اوتورموشوق.

فاجعه

ایندی گونئی آذربایجاندا و تورکلر یاشایان یئرلرده اوشاق باخچالاریندا(مهد کودک) تورک اوشاقالارینا فارسجا لای لای دئییب و ناغیل اویره دیب و اونلاری فارسی دانیشماغا آلقیشلیرلار و حتی ماهنی و سرودلاریدا فارسجا یاییرلار و اوشاقلاری تشویق ائدیرلر کی حتی ائولرینده آتا، آنا و باجی قارداشلاریینان دا فارسجا دانیشسینلار.
بونلارین بو آنتی کولتوره ل ایشلری بیزیم اوشاقلاریمیزین ذهنین خارابلاییب و کیملیک و شخصیت نظریندن اونلاری ایکی شخصیتلی و ضعیف بارا گتیریر و بو اوشاقلاری اوزلرینین عسگری کیمی گله جکده بیزیم هویت و کیملیکیمیزی دانماق اوچون تربیت ائدیرلر و بیزی ایچریدن چورودوب و آرادان آپاریرلار و بیزده بونلارین سمملرینین قاباغیندان بیر پادزهر تولید ائتمه میشیک و یا ائتسه کده چوخ آز اولوبدور و هامی انرژی و گوجوموزو قویموشوق تاریخ و ادبیاتیمیزا و بویوکلره ماتریال تولید ائتمیشیک.

نه ایش گورمه لییک؟
1. ترکیه و آذربایجاندا چیخان ماتریالاری و کارتونلاری گونئی ده اولان عنعنه لرینن تطبیق وئریب یایمالییق.
2. آذربایجان ناغیلارین و لایلایلارین سی.دی و کاستلرده ضبظ ائدیب اوشاقلارین ایچینده یایمالییق.
3. فارسجا چیخان سی.دی و کیتابلاری ترجمه ائدیب و یایمالییق.
4. رادیو . تلویزیونلاریمیزی لازیمدیر کی اوشاق پروقراملارینا یئر وئریب و بو قونویا چوخ گیریشسینلر. اوزه لیکله گون آز تلویویزونو و آنا یوردو.
5. ایچریده چیخان گونده لیکلره، هفته لییکلر، آیلییق درگی لر بیر ضمیمه اوشاقلار باره سینده چخارتمالی و یایمالیدیرلار. و بو ایشلری فقط کاغذی شکیلده اولمامالیدیر. مثلا وارلیق، دیلماج، ائل دیلی قابیقلارینین ایچینده بیر جیب نظره آلیب و هر سایدا اوشاقلار اوچون بیر سی.دی یاییسینلار.
6. آبتامدا چالیشان باجی و قارداشلاریمیز مومکون اولسا بو قونویادا بیر اوزه ل باخیشلاری اولسون و اوشاقلار اوچون سمعی و بصری ماتریاللار حاظیرلاییب و یاییسینلار.
7. خاریجده چالیشان قارداشلاریمیز اوز اولکه لرینده اولان اوشاق ادبیاتیندان ترجومه ائدیب و یا دوبله ائدیب ایچریده پایلایسنلار.

خاطیرلاتما

1.اوشاقلارا ایشله مک چوخ ظرافت و پیسیکولوژی باخیمیندان چوخ علمی و منطقی اولمالیدیر و بو قونو سیاست و گروه بازلیقدان کانار قالمالییدیر مثلا هر بیر گروه گلیب بیر کتاب و یا سی.دی بوراخیب اوز آرم و سرودون و رهبرینین شکیلین اونون باشینا وورسا بو مساله لوث اولار.
2. ترکیه و آذربایجاندا اولان ماتریالار گره ک گونئی ده اولان رسم و رسوماتینان منطبق اولا و تطبیق وئریلمه لیدیر.
3. میلی وارلیغیمیز اوشاق ماتریاللاریندا عکس اولونمالیدیر.
4. تورک کیملیگی عکس اولونمالیدیر.
5. عیرقچیلیقدان کنار قالمالیدیر.
ائلخان تورک اوغلو